بابا فين
بابا عايش بس بغرفة
مع مرتو و بنتو ميسون
مع احمد حامد و محمد
محمود و شادي و حسون
كل هدول ولادو لسا
مرتو حامل بحديدون
بدهيش و ارض الوحدات
بلاطة و صيدا و جلزون
ياعربي بترول اسود
ويا كرت المؤن الملعون
بابا تحت لواح الزنكو
ببكي فمخيم لجئين
اللللووو بابا فين
الللوووو بابا فين
بابا لاجئ في سوريا
نايم بحلم في طبريا
حلمو يعاود ارضو ويزرع
ويساعد جارو زكريا
بابا حلمو انو يحلم حلمو يطول بس شوية
حلمو يلاقي حاكم عربي ضد الافعى الامريكية
يسجن يستنكر يستنفر لا رجعية لا تبعية
لكن ماما صحت بابا
و غسل و جو بشوية مية
واجا صحفي وليسألو وقلو
شو حلماك بابا جاوبلو
طلع الصحفي وجهو اصفر
وسألتو مالك يمعتر
قلي حلم البابا الاكبر
عمالو كل يوم بيصغر
كان بيحلم بفلسطين ب 194
لكن حلمو كلو تبعثر
قلتلو لانو العربان
سابو بابا و نسيو جراحو
بقضيتو و صرخة مفتاحو
كـــــــان بيحلم بفلسطين
هلا بابا هلا بابا عم بحلم بشوال طحين
الـــــو بابا فين
اللللوووو بابا فين
بابا في عوفر مسجون
مركن على صفقة شاليط
انا ختطلو تخطيط
نخطف جندية شاليطة
ونسجنها جنب شاليط
ونجوز شاليط و شاليطة
ويجيبو اربع شلليط
وبنطلع كل المسجين
الووووو بابا فين
الووو بابا فين
بابا موظف يعني مسخمط
قطعو الراتب يعني تورط
نص الراتب بنفعناش
اما الراتب او بلاش
ياخوفي من بعد شوي
نلاقي بابا بنص الحي
ماسك مصلاه وفاردها
و عم بينادي للمسلمين
لله يا محسينين
لله يا محسينين
الوووو بابا فين
الووو بابا فين
